Gjósku Ylur og eigandinn hans hún Kata okkar kláruðu bronsprófið með stæl. Ylur er aðeins 11 mánaða og kláraði hann prófið með 160.5 stigum og 2. sæti, aðeins nokkrum stigum á eftir hinni glæsilegu Forynju Drama. Erum við ótrúlega stoltar af þessum glæsilega unga rakka og duglega eigandanum hans.

Fallegu Pílu og Ivans börnin okkar gleðja augað svo sannarlega. Þau eru virkilega ánægð með góða veðrið sem er komið. Þau njóta sín í botn á pallinum í sólinni og er virkilega gaman að fylgjast með þeim stækka

Við skiptum öllum okkar hundum yfir á nýtt fóður fyrr á árinu og er komin ágætis reynsla á það hjá okkur. Við ákváðum eftir góða reynslu hjá Gjósku Queen Bee, sem og eftir erfiðleika í fóðrun á einum af innfluttu hundunum okkar að prufa Hollenska gæða fóðrið Wooof. 

Wooof býður upp á hundafóður sem framleitt er úr náttúrulegum afurðum í hæsta gæðaflokki. Í Wooof fóðrinu mætast náttúran og næringarfræði. Fóðrið samanstendur af gaumgæfilega völdum hráefnum sem stuðla að heilbrigðum þroska og heilsu hundsins. Fóður sem framleitt er í pressuðum bitum þarfnast minni orkunotkunar og eru skaðleg áhrif framleiðslunnar á umhverfið því minni. Þar að auki gerir þessi framleiðsluaðferð það að verkum að hráefnin sem notuð eru halda næringargildi sínu þar sem bitunum er haldið undir 100°C í gegnum allt framleiðsluferlið. Með þessum hætti er tryggt að öll vítamín, steinefni og önnur efni haldist í fóðrinu. Pressaðir bitar eru auðmeltanlegir þar sem þeir leysast upp í maganum á mun skemmri tíma en fóður sem framleitt er á hefðbundinn hátt.

Gefum við wooof fóðrinu okkar bestu meðmæli, en verðið á fóðrinu er frábært þrátt fyrir að ekkert sé gefið eftir í gæðum. Viljum við hvetja okkar fólk að prófa þetta frábæra fóður, en það má nálgast á heimasíðu wooof hér: ​​https://wooof.is/

Fallegu Þ hvolparnir urðu 2 vikna á föstudaginn og eru öll búin að opna augun og farin að brölta um kassann. Þau eru bæði síð- og snögghærð og bræða okkur á hverjum degi.

Litlu Páskaungarnir okkar 6 mættu í heiminn 26. mars, 4 tíkur og 2 rakkar og heilsast þeim og Pílu vel. Í þetta sinn ber gotið stafinn Þ og hafa hvolparnir fengið nöfnin sín. Hlökkum við til að fylgjast með þessum frábæru loðrössum stækka og dafna.

Velkomin í Gjósku hópinn 

Gjósku Þyrnirós
Gjósku Þumalína
Gjósku Þóra
Gjósku Þula

Gjósku Þór Þrumuguð
​Gjósku Þrumufleygur

Í mars er væntanlegt got undan fallegu meisturunum ISShCh ISJCh Gjósku www.Píla. is og OB-I ISJCh Ivan von Arlett. Má með sanni segja að mikil spenna ríki á heimilu eftir þessum molum.

Píla okkar er ein sigursælasta síðhærða tík landsins síðustu ára, en hún var stigahæsti ungliði schäferdeildarinnar árið 2019, stigahæsta síðhærða schäfertík deildarinnar sem og stigahæsti síðhærði schäfer deildarinnar árið 2020. Í fyrra stóð til að fara með Pílu í vinnupróf en vegna COVID gengu þau plön ekki upp. Stefnt er á bæði spor og hlýðni með hana eftir hvolpastandið núna. Píla er frábær tík með einstakt geðslag, en allir sem kynnast henni falla algerlega fyrir persónutöfrum hennar. Píla á fyrir 1 got hjá okkur, Y-gotið, en fóru þeir hvolpar algerlega fram úr okkar björtustu vonum og getum við ekki beðið eftir að hundasýningarnar fari aftur af stað svo að þessar litlu stórstjörnur geti látið ljós sitt skína.

Ivan kemur frá hinu heimsfræga Arlett kennel í Þýskalandi og er í eigu Forynju ræktunar. Ivan er stórglæsilegur rakki, hann er Íslenskur ungliðameistari, Hlýðni 1 meistari og er með 2 íslensk meistarastig. Hann hefur raðað sér á lista yfir stigahæstu rakka á sýningum HRFÍ síðan að hann kom til landsins 2018 sem og verið stigahæsti hundur landsins í hlýðniprófum. Ivan er með einstaklega góða ættbók, en báðir foreldrar hans hafa lokið hörðustu vinnuprófs kröfum hjá tegundinni og eru bæði frábærir ræktunarhundar. Hann á fyrir 1 got hjá okkur í Gjósku ræktun og 2 falleg got hjá Forynju ræktun. Hvolparnir undan honum eru einstaklega rétt byggð, með frábært geðslag og sýna öll fram á frábæra vinnueiginleika.

Ivan og Píla passa einstaklega vel saman, bæði eru þau glæsilegir sýningarhundar, frí af mjaðma og olnbogalosi og bæði hafa þau vinnueiginleika tegundarinnar alveg uppá 10. Við bindum miklar vonir við væntanlegt got og hlökkum til að byggja upp þessa framtíðar hunda.

Áhugasamir um hvolp úr þessu goti geta haft samband á runahe@gmail.com með öllum helstu upplýsingum og hverju fólk er að leitast eftir í hvolpi.

Gjósku Ylur kom í heimsókn til Reykjavíkur um helgina, en hann býr með eigendum sínum fyrir norðan á Akureyri. Hann mætti á hlýðni æfingu og sýningarþjálfun og í dag smellti hann sér í módel störf. Það var því mikið stuð um helgina og hlökkum við til þess að hitta hann sem fyrst aftur.

Veðrið síðustu daga hefur aldeilis verið fallegt, kuldaboli bítur okkur, en sólin skín og hundarnir dýrka þetta kalda loft. Í einum af viðringum dagsins fórum við með Factor og Pablo og hin unga og fallega Kolgrímu Oh My God slóst með i hópinn. Smelltum við nokkrum myndum af þeim.

Yndislegu Ís-hvolparnir okkar eru 4 mánaða og bræða alla sem þau hitta. Við héldum lítinn hitting á sunnudaginn var, Gjósku Ís-Brjótur, Gjósku Ís-Bylur og Gjósku Ís-Brá mættu, léku sér saman og óþekktuðust í mömmu sinni. Veðrið var ekki það besta svo myndirnar voru frekar dökkar, en við smelltum þó nokkrum af litlu gullmolunum. Erum við virkilega stoltar af þessu glæsilega goti, bæði hvað útlit og geðslag varðar og má með sanni segja að við gerðum sterka endurkomu í ræktun Íslenska fjárhundsins. 

Það er svo sannarlega jólalegt úti og hundarnir njóta sín í botn í öllum snjónum. Óskum við öllum vinum og velunnurum gleðilegra jóla og farsældar á komandi ári.

COVID-19 setti svo sannarlega strik í reikninginn hjá okkur á Íslandi hvað hundasýningar varðar. Á árinu var einungis ein sýning en kom Gjóskuræktun út á toppnum enn eitt árið. Við vorum með mikið af virkilega efnilegum ungum hundum sem ekki gátu tekið þátt á sýningum nema í hvolpaflokki og sumir náðu ekki neinni sýningu, svo það verður spennandi að stilla þeim upp á næsta ári.

Eftir árið var:
Gjóskuræktun stigahæsta schäfer ræktun ársins
NORDUCH ISSHCH NLM RW-19 RW-18 Gjósku Una Buna stigahæsti schäfer ársins sem og stigahæsta snögghærða tík ársins
ISSHCH ISJCH Gjósku www. Píla. is var stigahæsti síðhærði schäfer ársins og stigahæsta síðhærða tík ársins
ISSHCH Gjósku Osbourne-Tyson var stigahæsti schäfer öldungur ársins

Við erum virkilega stoltar af fallegu hundunum okkar og eigendum þeirra og hlökkum mikið til (vonandi) covid lausu 2021.

Haustið er frábær tími til sporaæfinga, en bæði okkur og hundunum þykir það hin mesta skemmtun. Lider og Una eru bæði virkilega sterk í sporaleit og smelltum við nokkrum myndum af þeim á æfingu.

Fimmtudaginn 5. nóvember í hávaða roki og rigningu sóttum við nýja prinsinn okkar hann Pablo suður í Hafnir þar sem hann hafði dvalist í dekur einangrun í 2 vikur. Pablo og Gjósku X-Factor búa saman og smullu þeir strax og eru bestu vinir. Hlökkum við mikið til framhaldsins með þennan aðeins ársgamla rakka, en ættbókin hans er einfaldlega TOP QUALITY svo framræktun með honum verður mjög spennandi.

Veðrið síðustu daga hefur aldeilis verið yndislegt og smelltum við fallegum myndum af hundunum okkar. Það skiptist úr rosalegu bjartviðri yfir í rauðglóandi appelsínu himinn, því var mjög gaman að taka myndir og sjá breytinguna á birtu í útkomunni.