Þá er septembersýningu HRFÍ þetta árið lokið og gekk Gjósku hundunum vel að vanda. Á föstudagskvöldið 15. sept, mættu hvolparnir úr V og S gotunum á sína fyrstu sýningu og stóðu sig öll frábærlega vel. Besti hvolpur tegundar í síðhærðum 3-6 mánaða var Gjósku Snjó-Blondý, seinna um kvöldið var hún svo valin áfram í topp 6 Besti hvolpur sýningar. Leó dóttirin Forynju Aska mætti í flokk snögghærðra 6-9 mánaða, var hún valin besti hvolpur tegundar og svo 2. Besti hvolpur sýningar. Erum við virkilega stoltar af öllum þessum glæsilegu hvolpum, bæði Gjósku og Forynju sem eiga svo sannarlega framtíðina fyrir sér. Við mættum einnig með hana Snætinda Íslandssól okkar á sína fyrstu sýningu og vann hún stórann flokk af tíkum 3-6 mánaða og var annar besti hvolpur tegundar.
 Á laugardagsmorgun mættu svo fullorðnu hundarnir, uppúr stendur eftir þann dag að aftur átti hún RW-14 Gjósku Mylla okkar besta afkvæma hóp tegundar og Besta afkvæmahóp sýningar. Dóttir hennar Gjósku Una Buna mætti í fyrsta sinn í opinn flokk og endaði uppi sem Besta tík tegundar með Íslenskt og Alþjóðlegt meistarastig. Innflutti prinsinn hann Jago var annar besti rakki tegundar og fékk einnig Íslenskt og Alþjóðlegt meistarastig.
Erum við virkilega ánægðar með árangur helgarinnar og sendum bestu þakkir til allra flottu eigenda og sýnenda Gjósku hundana !

Helstu úrslit voru þessi:

Hvolpar:

Snætinda Íslandssól á Gjósku - 1. sæti, heiðursverðlaun, besti hvolpur tegundar af gagnstæðu kyni

Gjósku Vissa - 1. sæti
Gjósku Valkyrja - 3. sæti, heiðursverðlaun
Gjósku Vænting - 2. sæti, heiðursverðlaun
Gjósku Snjó-Blondy - 1. sæti, heiðursverðlaun, Besti hvolpur tegundar

Fullorðnir:

ISJCh Gjósku Úlfur - exc, 2. sæti unghundafl.
C.I.E. ISShCh RW-15 NLM Gjósku Rökkvi-Þór - exc, 2. sæti meistarafl. meistaraefni, 4. besti rakki tegundar
NLM Gjósku Ráðhildur - exc, 1. sæti opinn fl. meistaraefni, 2. besta tík tegundar, Alþjóðlegt meistarastig
Gjósku ræktun - exc, 2. sæti, heiðursverðlaun

Gjósku Uggi - exc, 3. sæti opinn fl. meistaraefni
Gjósku Stakkur-Goði - exc, 5. sæti opinn fl.
BH AD IPO1 Kkl1 Jago z Wierchlesia - exc, 1. sæti opinn fl. meistaraefni, 2. besti rakki tegundar, Íslenskt meistarastig, Vara-Alþjóðlegt meistarastig
ISCh Gjósku Tindur - exc, 1. sæti, vinnuhundafl. meistaraefni
CIB ISCh RW-16 RW-15 Juwika Fitness - exc, 3. sæti meistarafl.
Gjósku Thea - vg, opinn fl.
Gjósku Rispa - exc, 3. sæti opinn fl. meistaraefni
Gjósku Una Buna - exc, 2. sæti opinn fl. meistaraefni, BESTA TÍK TEGUNDAR, Íslenskt meistarastig, Alþjóðlegt meistarastig, Besti hundur tegundar af gagnstæðu kyni
RW-14 Gjósku Mylla - exc, 1. sæti vinnuhundafl. meistaraefni, Besti afkvæmahópur tegundar, BESTI AFKVÆMAHÓPUR SÝNINGAR
Gjósku ræktun - exc, 2. sæti, heiðursverðlaun​
​

Fyrstu helgina í september er hin árlega veisla, siegershow í Þýskalandi. 
Þar koma saman allir alvöru ræktendur og áhugamenn um Schäfer og fylgjast með bestu hundum heims það árið. Hundar koma allstaðar að úr heiminum og var til að mynda sigurvegari í unghundaflokki rökkum þetta árið fæddur í USA. 

Fórum við mæðgur að sjálfsögðu að fylgjast með og hitta vini okkar frá öllum heimshornum. Við förum einna helst út á siegershow til þess að rækta vinskap og stækka tengslanet okkar við þekkta ræktendur á meginlandinu, en einnig til þess að hugsanlega kaupa okkur hunda og sjá hvaða línur við viljum sækjast í.

Í ár stóðu uppúr hjá okkur afkomendur Remo vom Fichtenschlag, en við eigum akkurat afa barn hans í honum Jago okkar. Svo var það hinn ungi og mjög svo efnilegi hundur Watson vom Thermodos, en hann vann sem unghundur árið 2015 en í ár mætti hann með afkvæmum sínum og varð VA5. Það er alveg gríðarlegur árangur hjá svo ungum hundi. Einnig vann dóttir hans unghundaflokk tíkur og önnur afkvæmi röðuðu sér ofarlega bæði á þessu siegershow sem og í öðrum löndum fyrr á árinu. Watson er virkilega spennandi hundur sem vert er að fylgjast með.

Auðvitað kom myndavélin með í för og tókum við eitthvað af myndum á milli bjór þambs, spjalls og hundagláps.
​
​Fleiri myndir eru hér