Þá er staðfest væntanlegt got seinnipartinn í janúar undan meistaranum NORDUCH ISSCH NLM RW-19 RW-18 Gjósku Unu Bunu og fallega innflutta rakkanum okkar Pablo vom team Panoniansee. Bæði eru þau frí af mjaðma og olnbogalosi, einstaklega geðgóð og útlitið er í sérflokki.

Hvolparnir afhendast í lok mars/byrjun apríl, heilsufarsskoðaðir, örmerktir, skráðir í dýraauðkenni, ættbókarfærðir hjá HRFÍ, DNA testaðir og með veglegan hvolpapakka frá Wooof.is. Áhugasamir geta sent email á [email protected] með öllum helstu upplýsingum um sig og hverju þau leitast eftir í hundi.

Unu þarf vart að kynna, en hún er sigursælasta snögghærða schafer tík landsins síðustu ár. Hún er eina snögghærða tíkin síðan að stigakeppni deildarinnar hófst sem hefur náð að verða 3. ár í röð stigahæsta tíkin. Hún er einnig eina snögghærða tík landsins sem er norðurlandameistari og norðurljósameistari sem og með fleiri en einn Reykjavík winner titil. Una er með A mjaðmir og olnboga og að öllu leiti virkilega heilsuhraust tík með engann skyldleika á bakvið sig. Hún er einnig virkilega vinnusöm, hefur lokið hlýðni brons og stefnt er með hana í spora próf í sumar. Una á ekki langt að sækja gæðin, en foreldrar hennar voru bæði margfaldir meistarar, frábærir vinnuhundar, heilbrigð og gáfu af sér fyrsta flokks afkvæmi á öllum sviðum.

Pablo er ný orðinn 2 ára og er einn allra mesti bræðingur sem við höfum kynnst. Hann kemur frá Panoniansee ræktun eins og Lider, en það er ein virtasta ræktun í evrópu. Við erum virkilega heppnar að eiga svona góða að alstaðar í heiminum, en vinkona okkar hún Marita mældi sérstaklega með þessu goti og við treystum henni í einu og öllu þegar kemur að því að velja hunda og í ræktun. 
Pablo er undan 2. stórglæsilegum hundum, pabbi hans er hinn heimsfrægi VA Nero von Ghattas sem átti meðal annars sigurvegara í unghundaflokki á síðasta siegershow. Nero er einn glæsilegasti hundur í heiminum í dag og hefur verið að gefa af sér virkilega falleg afkvæmi og frábært heilbrigði. Mamma hans Pablo kemur úr mjög flottu goti frá Panoniansee, en við reyndum einmitt að kaupa gotbróður hennar, en hann var full dýr fyrir litla Ísland. Daffy hefur mætt á ör fáar sýningar, en hefur sigrað þær allar. Fókusinn með hana er í ræktun og hefur hún gefið af sér virkilega fallega hvolpa þar sem heilbrigðið skemmir svo sannarlega ekki fyrir, en allir hvolpar myndaðir undan henni eru frír af mjaðma og olnbogalosi.
Pablo okkar er einstakur hundur með yndislegt geðslag, framúrskarandi útlit og mjög gott vinnueðli fyrir tegundina. Framtíðin hans er mjög björt á öllum sviðum.

Pablo og Una eiga bæði önnur afkvæmi fyrir sem lofa virkilega góðu og má segja að við fáum gæsahúð af spenningi yfir þessum komandi hvolpum. 

Síðasta sýning ársins fór fram á nýju sýningarsvæði núna í lok nóvember. Við mættum með fáa en vel valda hunda á sýninguna og vorum virkilega sáttar með árangurinn. Við hlökkum til nýs árs með vonandi fleiri sýningum. Til hamingju öll með fallegu Gjósku hundana ykkar !!

hér eru úrslit okkar hunda:

síðhærðir

Gjósku Yogi Bear - VG, Ungliðafl. 3. sæti
CIE ISShCh NLM RW-15 Gjósku Rökkvi-Þór - exc, öldungafl. 1. sæti, meistaraefni, Öldungameistarastig, 2. besti rakki tegundar, annar besti öldungur tegundar, 2. stigahæsti öldungur ársins
Gjósku Ydda - exc, ungliðafl. 1. sæti, meistaraefni, ungliðameistarastig, besti ungliði tegundar, stigahæsti síðhærði ungliði ársins
Gjósku XXS - exc, opinn fl. 2. sæti, meistaraefni, 3. besta tík tegundar
ISShCh ISJCh Gjósku www.Píla. is - VG, opinn fl.
ISCH ISJCh OB-I Gjósku Vænting - exc, vinnuhundafl. 1. sæti

snögghærðir

Elliðaeyjar Snjöllu Gríma fyrir Gjósku - Lofandi, Hvolpafl. 2. sæti 
Gjósku Ylur - VG, ungliðafl. 3. sæti
Gjósku X-Man - exc, opinn fl. 3. sæti
Pablo vom Team Panoniansee - exc, opinn fl. 2. sæti, meistaraefni
RW-19 SG1 SG61 Lider von Panoniansee - exc, opinn fl. 1. sæti, meistaraefni, 2. besti rakki tegundar, Íslenskt meistarastig, vara Norðurlanda meistarastig, Besti afkvæmahópur tegundar, 3. Besti afkvæmahópur sýningar
Gjósku Z - exc, unghundafl. 2. sæti
Gjósku Xtra - exc, opinn fl. 2. sæti, meistaraefni, 4. besta tík tegundar