Prinsessan á heimilinu hún Gjósku Una Buna var að fá niðurstöður ú mjaðma og olnbogamyndatöku og er hún með fullkomnar niðurstöður A/A. Gætum við ekki verið ánægðari með þessa glæsilegu tík, en hún er undan RW-14 Gjósku Myllu og C.I.B* ISCh RW-16 RW-15 SG1 Juwika Fitness.

Una hefur ekki mikið mætt á sýningar en gengið mjög vel á þeim sem hún hefur tekið þátt í. Hún var m.a. alltaf besti hvolpur tegundar þegar hún var yngri og var 2x 3. Besti hvolpur sýningar, en enginn schäfer hvolpur hefur fengið sæti í BIS síðan að hún tók þátt. Hún hefur raðað sér í sæti um bestu tík tegundar og er með 1. ungliðameistarastig. 

Nú býðum við spennt eftir því að Una byrji að lóða en spennandi plön eru með hana í ræktun, enda með þær allra bestu blóðlínur sem völ er á á landinu í dag.

Við hjá Gjósku ræktun vorum svo heppin að eignast þennan glæsilega ræktunarhund Quentino von Arlett á dögunum. En hann er á allan hátt það sem við sækjumst eftir í ræktun. Quentino eða Dino eins og hann er kallaður hefur verið mikið notaður um alla evrópu og undan honum hafa komið mikið af þekktum og mjög sigursælum hundum. Hann er einnig ennþá þrátt fyrir að vera 7 ára gamall topp vinnuhundur og er með hæstu gráðu í vinnu.
 
Erum við svo þakklátar fyrir að vera að byggja upp góð tengsl við fremstu ræktendur í tegundinni svo að við höfum möguleika á að eignast hunda af þeim gæðaflokki sem komið hafa til okkar á síðustu árum. Margit van Dorssen ræktandi Xkippi og Dino hefur reynst okkur mjög vel og höfða hennar línur einstaklega vel til okkar. 
 
Quentino mun koma til með að mæta á sýningar og sýna hvað býr í gamla, sem og halda áfram að búa til fallega hunda en hann er pabbi hennar Xkippi okkar sem við gætum ekki verið ánægðari með. Hlökkum við gífurlega til að fá þennan prins til okkar og dekra við hann í ellinni.
​
Smellið hér til að sjá ættartéð hans Dino okkar

Fyrir nokkrum vikum eignuðumst við loksins aftur Íslenskann Fjárhund, en við ræktuðum þá með góðum árangri í fjölda mörg ár. Snætinda Íslandssól á Gjósku er geðgóð og virkilega falleg tík með ættir sem okkur líkar einstaklega vel við, en hún er undan meistaranum og Besta hundi sýningar Snætinda Vöku og ungum rakka Jaka frá Ólafsvöllum, en hann hefur mikið af Gjósku blóði á bakvið sig. 
Sól passar virkilega vel inní hópinn hjá okkur og hlakkar til að fara að mæta á sýningar og seinna búa til fallega Gjósku hvolpa.