Haustganga Gjósku og Forynjuræktunar

Ákváðum við og Hildur með Forynjuræktun að standa fyrir schäfergöngu síðasta sunnudag. Áðurfyrr voru svipaðar göngur alltaf á vegum schäferdeildarinnar, en þar sem að engin starfandi stjórn er þar þá ákváðum við að bjóða bara uppá þetta sjálfar. 
Frábært er fyrir bæði fólk og hunda að hittast, hreyfa sig og umhverfisvenjast.
Vel var mætt í þessa fyrstu göngu á okkar vegum og mikill áhugi í fólki fyrir næstu, en stefnum við að því að halda þær reglulega. Eftir gönguna settumst við inn á kaffihús, spjölluðum og fengum okkur kruðerí og kaffi.
Smelltum við nokkrum myndum af þessum fallegu hundum og er fólki frjálst að nota þær að vild.